miðvikudagur, júlí 22, 2009

Ég ætti kannski að breyta titlinum á þessu bloggi...

- þar sem ég segi eiginlega aldrei skoðun mína á einu eða neinu á þessum vettvangi lengur. Sem er svosem ágætt; ég geri nóg af því augliti til auglits.

Vorum að senda boð á sýninguna okkar út á fésbók. Allir sem eru þar skulu skoða og lofa að mæta. Þeir sem eru ekki á fésbók, pantið bara miða og komið. Hana!

Heimsóknir mánaðarins voru fábærar. Fyrst Alla, Nanna og Louisa vinkona þeirra, sem ég dró m.a. á kokteilbar hjá Covent Garden, og daginn eftir til Hampsted Heath, sem er garður í norður-London með tjörnum sem hægt er að baða sig í á góðviðrisdögum. Böðuðum okkur ekki þar sem veðrið um morguninn lofaði síður en svo góðu, þannig að sundföt voru ekki tekin með. En fórum samt á svæðið með Kathrin og spjölluðum í sólinni. Svo var bara vafrað um og drukkið, etið og spjallað.

Erna Björk kom svo í borgina 2 vikum seinna, og ekki voru minni fagnaðarfundir þar. Fórum í leikhús með Díönu vinkonu hennar og nokkrum vinum mínum, hittum Kathrin eftir sýninguna og skemmtum okkur vel.

Ýmis tækifæri eru að líta dagsins ljós hjá Bottlefed, meira af því síðar.

þriðjudagur, júlí 07, 2009

Sjaldan er ein báran stök

Úúúffff! Ég tek það aftur sem ég sagði um fertugsaldurinn! Ég hélt að fólki þætti það bara leiðó að vera ekki tuttuguogeitthvað lengur, en ástæðan fyrir því að það að verða þrítugur er svona mikið sjokk er greinilega að þá fer allt í einu allt að fara úrskeiðis í kring um mann!!

Þetta byrjaði með rukkun frá LÍN: 97þús kall.
Ekkert mál, bjarga því!
Búið mál.
Svo kom bara önnur, vegna markaðskjaralánsins sem ég tók fyrir skólagjöldunum á sínum tíma. 250.000 kall.
Aðeins meira mál.
Smávægilegt taugaáfall.
Símhringingar, ráðleggingar og lánsloforð frá vinum.
Samdi um endurskipulaggningu lánsins, s.s. höfuðstóllinn er nú orðinn það sem heildarskuldin var komin upp í með vöxtum. En greiðslan verður viðráðanleg, sérstaklega þar sem maður er orðinn svona góður með peningana og farinn að fá gott þjórfé á barnum og svona.

Nei! Veikindi! Fer heim úr vinnu.
Hressist, byrja aftur að vinna.
Veikindin koma aftur, af meiri krafti en áður, lítið unnið undanfarna viku.
FOKK!!!
Minniháttar aðgerðar er víst þörf.
tvöfalt fokk!

en, þetta eru sem betur fer ekki alvarleg veikindi, bara pirrandi og vinnuhamlandi.
... sem er nógu fokking slæmt samt.

segi nú bara eins og margir hafa gert:
helvítis fokking fokk.

En, ég á súperfallega, bráðgáfaða, heví skemmtilega og drulluklára kærustu... og fullt fullt af góðum vinum og vandamönnum.
Svo er maður heldur enginn aumingi eða hálfviti, þannig að ég örvænti ekki strax.

Takk fyrir kveðjurnar og gjafirnar, öll sömul!