laugardagur, apríl 25, 2009

Þjórfé

Ég þjónaði hópi af dönum á veitingastaðnum um daginn. Fannst um að gera að babbla mig aðeins áfram á dönsku við þá, og það gekk svona sæmilega. Þegar kom að borguninni rétti einn þeirra mér peninginn og sagði mér að inni í upphæðinni væri "drykkepenge". Ég fattaði ekki alveg hvað hann átti við, þannig að hann sagði á ensku að afgangurinn væri þjórfé. Fannst það dálítið skemmtilegt að danir tali um "drykkjupeninga". En svo kveikti ég á litlu 15 watta perunni: Þjórfé! Fé til að þjóra fyrir.
Þjóra fjóra stóra bjóra.

Að maður skuli kalla sig íslending!

mánudagur, apríl 06, 2009

Bottlefed tekur stórt skref fram á við

Sýningarnar okkar í Jackson's Lane gengu heldur betur vonum framar! Samtals mættu rúmlega 200 manns á sýningarnar þrjár, sem allar voru mjög ólíkar. En þær voru greinilega allar góðar, og viðtökurnar voru eftir því! Síðasta kvöldið mættu rúmlega 100 manns, sem var meira en við höfðum gert ráð fyrir að við myndum fá á eina sýningu, og leikhúsið vill víst fá okkur aftur til sín, þannig að þetta var heldur betur vel heppnað hjá okkur.

Myndir? Jahá!




Leikhúsið er í gamalli breyttri kirkju... eins og sést kannski



Æfinga"stúdíóið" var æðislegt! Hvelfing kirkjunnar endilangrar.


Horft upp í áhorfendapallana


og að lokum, sviðið