fimmtudagur, júlí 07, 2005

OOOOooooooh, þið aumkunarverða fólk!!!!

Þabbara íslenskt Batsjelor á leiðinni! Hvað er að??? Er sumt fólk bara algjörlega óhæft til að fá nýjar hugmyndir? Erum við svona sorgleg að þurfa að apa allt eftir kananum? Fyrir stuttu las ég grein í Mogganum þar sem var kvartað yfir því hvernig kaninn býr endalaust til ömurlegar endurgerðir á erlendum kvikmyndum og sjónvarpsþáttum og spurt af hverju hann gæti ekki komið með sitt eigið efni. Ég held að við ættum að segja sem minnst þegar við erum að kópera kanann sí og æ. En á endanum er sorglegasta staðreyndin þessi: Þessir þættir eru framleiddir út af því að það er nokkuð öruggt að fólk mun horfa á þá. Þessi heimur er allt of mikið að flýta sér til helvítis.

Svo eru bara bombur í London! Blessunarlega eru allir sem ég þekki, og þeirra nánustu, heilir á húfi og fylgjast bara með af hliðarlínunum. Eins ömurlegt og þetta mannfall sem fylgir þessu er, þá fynnst mér alltaf jafn ömurlegt að heyra sömu vísuna kveðna af annars sæmilega gefnu fólki: "Það á bara að útrýma þessum villimönnum þarna í miðausturlöndum eins og þeir leggja sig!!!" og fleira í þessum dúr.
Hvernig er það? Hlustar fólk ekkert?? Lærir það aldrei neitt??? Kunna menn ekki að leggja tvo og tvo saman? Djöfull er ég þreyttur á þessari þröngsýni og fáfræði sem grasserar í kringum mann. En svona er þetta, fólk er bara til í að heyra hvernig aðrir eru verri en það sjálft. Það nennir aldrei að kynnast því jákvæða í fari annarra menningarheima. Ef tveir þættir væru sýndir með stuttu millibili með jafn mikilli kynningu, annar um stríðið gegn hryðjuverkum og hinn um menningu og daglegt líf venjulegs fólks í t.d. Jórdaníu, er engin spurning um hvor myndi fá meira áhorf.

Er þetta ekki bara vonlaust?

5 Comments:

At 8/7/05 00:43, Hildur said...

 
At 8/7/05 01:08, Andri Hugo said...

Lost cause ... eða hvað? Heyrist bara ekki hæst í þessum þröngsýnu og fordómafullu? "Glymur hæst í tómri tunnu" segir einhversstaðar. Held það sé alveg jafnmikið af umbruðarlyndu fólki í þessum heimi, við tökum bara ekki eins mikið eftir því. Ég meina, ekki færum við að velta okkur upp úr því hversu æðislegt það er hvað fólk er umburðarlynt. Við viljum öll sjá neikvæðu hliðar allra mála, sama hvoru megin við línuna við stöndum. Þegar við miðum saman tvær hliðar gerum við yfirleitt meira úr þeirri slæmu. Því hún er slæm.

 
At 8/7/05 18:26, frizbee said...

Góður punktur.

En svo er líka umburðalynda fólkið sem lætur ekkert í sér heyra; heldur kjafti þegar þröngsýnisseggirnir eru að blaðra sínum ranghugmyndum yfir allt og alla. Svo er hálf vonlaust að reyna að fá þröngsýnissegg til að skipta um skoðun, eða a.m.k. að skilja skoðanir annarra.

 
At 11/7/05 02:46, Andri Hugo said...

Satt, satt. Þess vegna er alltaf gaman þegar manni tekst að sannfæra þröngsýnissegg til að líta málið öðrum augum. "Challenge extended" ;)

 
At 12/7/05 03:15, Zindri Freyr said...

Ohh ahh Cantona! He is wearing a girlie bra!!!

...fá einn Músslimaborgara, með hansprengjusalati og eldvörpuglas með...hehe

wow...tagga tagga boowow!!!

 

Sendu inn athugasemd

<< Home